2024-cü il sentyabrın 4-də Xəzər Universiteti Çin Xalq Respublikasının Təhsil Nazirliyinin Dil Təhsili və Əməkdaşlıq Mərkəzinin baş direktorunun müavini Yu Tianqi`nin rəhbərlik etdiyi nümayəndə heyətini qəbul edib.

Qəbul Xəzər Universitetinin təsisçisi, Direktorlar və Qəyyumlar Şurasının sədri Prof.Akad.  Hamlet İsaxanlı, rektor Dos. İradə Xəlilova, Tədris işlər üzrə prorektor Prof. Məhəmməd Nuriyev, İnkişaf Mərkəzinin direktoru Raziyə İsayevа, Çin Araşdırmaları Mərkəzinin direktoru Dr. Aqşin Əliyev, Dillər və ədəbiyyatlar departamentinin müdiri Dos. Dilbər Zeynalova, Humanitar, təhsil və sosial elmlər fakültəsinin dekan vəzifəsini icra edən Aygün Verdiyeva və Beynəlxalq əlaqələr şöbəsinin müdiri Fatimə Vəliyevanın iştirakı ilə keçib.

Çin Təhsil Nazirliyinin Dil Təhsili və Əməkdaşlıq Mərkəzi, Anhui Universiteti və Xəzər Universiteti arasında Çin dili ixtisası üzrə birgə bakalavr proqramı layihəsinin yaradılmasına dair üçtərəfli müqavilə imzalanıb və əlaqələrin gücləndirilməsi istiqamətində müzakirələr aparılıb. Fatimə Vəliyeva və qonaqlar təmsil etdikləri universitetlər haqqında  təqdimat nümayiş etdiriblər.. Nümayəndə heyəti, həmçinin, Xəzər Universitetinin Konfutsi sinfinə baş çəkərək, müəllimlərlə görüşüb.

Görüşün sonunda hədiyyələr təqdim olunub və xatirə şəkilləri çəkilib.