2024-cü il avqustun 24-də Gümüşhane Universitetinin (Türkiyə) rektoru Prof. Dr. Halil İbrahim Zeybek, prorektoru Prof. Dr. Ferkan Sipahi və TÖMER (Türkcə Tədris Araşdırma və Uygulama Mərkəzi) müəllimi Akin Zengin ilə görüş keçirilib.

Görüşdə Xəzər Universitetinin rektoru Dos. İradə Xəlilova, İctimai əlaqələr və media üzrə direktor Əlövsət Əmirbəyli və Beynəlxalq əlaqələr şöbəsinin müdiri Fatimə Vəliyeva iştirak ediblər.

Görüşdə ikitərəfli əlaqələrin möhkəmləndirilməsinə dair müqavilə imzalanıb, eləcə də  təhsil müəssisələri arasında tərəfdaşlıq və əlaqələrin gücləndirilməsi istiqamətində müzakirələr aparılıb. Fatimə Vəliyeva və qonaqlar təmsil etdikləri universitetlər haqqında  ətraflı məlumat veriblər.

İmzalanma mərasiminin sonunda hədiyyələr təqdim olunub və xatirə şəkilləri çəkilib.