2024-cü il avqustun 13-də Xəzər Universitetinin Beynəlxalq əlaqələr şöbəsinin müdiri Fatimə Vəliyeva Misir Ərəb Respublikasının paytaxtında Qahirə Bədr Universitetinin (Badr University in Cairo - BUC) nümayəndələri ilə görüşüb. Görüşdə universitetin Beynəlxalq əlaqələr və xarici işlər üzrə vitse-prezidenti Prof.Dr. Hanan Mounib, Elmi tədqiqatlar üzrə vitse-prezidenti Prof.Dr. Mahmud Fəhmi, Əczaçılıq fakültəsinin dekanı Prof.Dr. Yasser Mostafa və dekan müavini Prof.Dr. Əhməd Soliman, Stomatologiya fakültəsinin dekanı Prof.Dr. Tamer Hamza, Mühəndislik fakültəsinin dekanı Prof.Dr. Aref Soliman, Tibb fakültəsinin dekan müavini Prof.Dr. Ghada el Dorry və Baytarlıq fakültəsinin dekan müavini Prof.Dr. Əhməd Hamed iştirak ediblər.
Görüş zamanı Fatimə Vəliyeva Azərbaycan haqqında videoçarx nümayiş etdirib və universitet haqqında ətraflı məlumat verib. Bədr Universitetinin fakültələri haqqında da videoçarx nümayiş etdirilib. Sonra Bədr Universiteti, o cümlədən fakültələri ilə tanışlıq olub.
Səfər zamanı universitetlərin əməkdaşlığının inkişafına xüsusi diqqət yetirilib. Bədr Universitetinin Xəzər Universitetinə səfərinin hazırlığı ilə bağlı müzakirələr aparılıb. Səfər zamanı ikitərəfli əməkdaşlıq müqaviləsinin imzalanması da nəzərdə tutulub.
Görüşün sonunda hədiyyələr təqdim olunub.