2024-cü il 29 iyul-7 avqust tarixlərində Xəzər Universiteti Siyasi elmlər və fəlsəfə departamentinin müdiri Dos. Orxan Vəliyev İstanbulda  İbn Haldun Universitetindəki Heydər Əliyev Avrasiya Araşdırmaları Mərkəzi tərəfindən təşkil edilən “Türk dünyası üçün yeni dövr” mövzusunda Beynəlxalq Yay Məktəbində iştirak edib. Yay Məktəbi SOCAR Türkiyə və Türk Dövlətləri Təşkilatı tərəfindən maliyyələşdirilib və dəstəklənib.

Yay Məktəbi Çin, ABŞ və Türk Dövlətləri Təşkilatından Avrasiya üzrə ixtisaslaşmış 60 iştirakçı və məruzəçiləri bir araya gətirib. Məktəb siyasi elm, tarix, iqtisadiyyat və digər fənlər prizmasından Türk dünyasını tədris və praktik cəhətdən anlamağa yönəlmiş və bu sahələrə üstünlük vermişdi.

Dos. Orxan Vəliyev yay məktəbinə məruzəçi kimi dəvət olunmuş və “Münaqişədən sonrakı Azərbaycanda Türk dünyasının rolu” mövzusunda çıxışı ilə Xəzər Universitetini təmsil etmişdir.

https://avrasya.ihu.edu.tr/en#