“Ali məktəblərdə təhsil haqqı artımı müntəzəm baş verir və davam edəcək”

Xəzər Universitetinin təsisçisi, Direktorlar və Qəyyumlar Şurasının sədri Prof.Akad. Hamlet İsaxanlı 2024-cü il iyulun 5-də “Kaspi” qəzetinə verdiyi qısa müsahibədə bu mülahizəsini şərh etmişdir. Bildirmişdir ki, qiymət artımı heç də təhsilin keyfiyyəti ilə bağlı deyil: "Sadəcə, təhsilverənlər görəndə ki, təhsil haqqını bir az daha artıq almaq mümkündür və alanda imkanları daha da böyüyür, o zaman bu addımı atırlar. Bu baxımdan, burada təəccüblü heç nə yoxdur. Bu, valideynlə müqavilə bağlananda da qeyd edilir. Adətən, müqavilə bir illik olur və universitetlərin növbəti tədris ilində buna yenidən baxmağa ixtiyarları var".

H.İsaxanlının sözlərinə görə, təhsil haqqı zaman-zaman artacaq: "Çünki dünyada təhsil haqları çox yüksəkdir. Avropada, İngiltərədə, Amerikada təhsil haqlarına nəzər salsanız, rəqəmin 20-40 min arası dəyişdiyini görərsiniz. Onlarla müqayisədə bizdə təhsil haqları çox aşağıdır. Təbii ki, bu, bazara görə tənzimlənir. O ali məktəblərdə dünyanın hər yerindən oxumaq istəyənlər çox olduğuna görə onlar yüksək təhsil haqqı müəyyənləşdirirlər”.

Bəzi ölkə saytları “Kaspi” qəzetinə istinadla müsahibəni dərc etmişlər.

https://modern.az/tehsil/481528/universitetlerde-tehsil-haqqi-zaman-zaman-artacaq-rektor/ və s.