Turan İnformasiya Agentliyi: Çinlə Azərbaycan arasındakı təhsil əlaqələrində Xəzər Universiteti fəal iştirak edir

Turan İnformasiya Agentliyi 2024-cü il iyulun 25-də “Çin və Azərbaycan münasibətlərində Bir yol, bir kəmər layihəsi” adlı geniş analitik məqalə dərc etmişdir. İki ölkə arasındakı mədəni əlaqələrin də icmalını verən müəllif, Çin üzrə ekspert Aqil Əliyev qeyd edir ki, bu, daha çox təhsil sahəsini əhatə edir və Azərbaycanın dörd universitetində -  Bakı Dövlət Universiteti, Xəzər Universiteti, Azərbaycan Dillər Universiteti və Azərbaycan Universitetində Çin Mədəniyyət Mərkəzi və ya Konfutsi İnstitutunun fəaliyyətini misal göstərir.

Müəllif çinli tələbələrin bu universitetlərdə və ölkənin digər ali təhsil müəssisələrində, eyni zamanda azərbaycanlı tələbələrin Çində  təhsil almasını mühüm amil kimi nəzərə çatdırır.

Qeyd edək ki, Xəzər Universiteti Çinin bir sıra ali məktəbləri ilə ikitərəfli müqavilələr əsasında  geniş işgüzar əlaqələr qurmuş, Çində Azərbaycan dilinin distant tədrisi təşkil olunmuş, digər tədbirlər həyata keçirilməkdədir. Xəzər Universitetinin rəhbər heyəti dəfələrlə Çində səfərdə olmuş, qarşılıqlı münasibətlərin bir çox istiqamətləri üzrə  əməli fəaliyyətə başlanılmış və davam etməkdədir.

 https://turan.az/az/soz-isteyirem/cin-ve-azerbaycan-munasibetlerinde-bir-yol-bir-kemer-layihesi-782887