İyulun 9-da Bakı İdman Sarayında Xəzər Universitetinin 53-cü məzunluq mərasimi ke­çirildi. Tədbirdə universitetin rəhbərliyi, de­kan­lar,  departament müdirləri, müəllim və tələbələr, valideynlər, qo­naqlar iştirak edirdilər.

Mərasim Azərbaycan Respublikasının Döv­lət Him­­ninin ifası ilə başlandı, sonra Xəzər Uni­ver­si­te­ti­nin himni də səsləndirildi.

Aparıcılar - Təbiət elməri, sənət və texnologiya yük­sək təhsil fakültəsinin koordinatoru Ülkər Rə­su­lova və həmin fakültənin magistr məzunu Siyuan Wang  iştirakçıların nəzərinə çatdırdılar ki, bu gün 479 bakalavr, 189 magistr Xəzər Universitetinin mə­zunu olur. Bugünkü buraxılış məzunları da daxil ol­maq­la, universitetdən 5462 bakalavr, 1286 magistr və doktorant məzun olmuşdur. Onlardan 1438 nə­fə­ri universiteti fərqlənmə diplomu ilə bitirmişdir. Bil­dirdilər ki, builki məzunlar arasında artıq Polşa, İta­liya, Fransa, Macarıstan, Estoniya, Belçika, Lit­va, Niderland, İngiltərə,  İsveç və ABŞ kimi ölkə­lə­rin nüfuzlu universitetlərinin magistrantı adını qa­za­nan­lar var.

 Xəzər Universitetinin rektoru Dos. İradə  Xəlilova çı­xışında  məzunları təbrik etdi, yeni həyat yollarında on­lara uğurlar arzuladı.

Sonra bakalavr, magistr və doktorantlara diplomla­rın təqdim olunmasına başlanıldı. Diplomları məzun­la­­ra universitetin rəhbərliyi, fakültə dekanları, de­par­ta­­ment müdirləri, müəllimlər, əməkdaşlar və qonaqlar təq­dim etdilər.

Nailəxanım təqaüdünün ilk məzun tələbəsi Brilliant Windy Khairunnisa`ya  diplom Xə­zər Universiteti “Dün­ya” Məktəbi Təh­sil Kompleksinin direktoru Ay­gün Gardiner tərəfindən təq­dim olundu.

2023-2024-cü tədris ilində Xəzər Universitetini bi­rin­­ciliklə bitirən məzunların müvəffəqiyyətləri xüsusi qeyd edildi. Onlara "Təhsildə mükəmməllik" sertifikatı təqdim olundu.

Məzunlar Xəzər Universitetində əldə etdikləri bilik və bacarığı tətbiq edərək öz  ailələri, xalq və vətən üç­ün faydalı olacaqlarına, Xəzər Universitetinin şərəfini qo­­ruyacaqlarına and içdilər. Andın mətnini İqsadiyyat və menecment fakültəsinin məzunları Əfsanə Də­mir­çi­yeva, Namiq Əlizadə və Təbiət elməri, sənət və tex­no­logiya yüksək təhsil fakültəsinin məzunu Yu­xu­an Tang səsləndirdilər.

Mərasimdə  universitetin məzunu, Azərbaycan Res­­publikasının İqtisadiyyat Nazirliyi yanında An­tiin­hisar və İstehlak Bazarına Nəzarət Dövlət Xid­mə­tinin Dövlət Satınalmalarına Nəzarət şöbəsinin mü­diri Əh­məd Həsənov, universitetin sabiq dekanı, Elm və Ali Təhsil üzrə Dövlət Agentliyinin Ali təhsil müəs­si­sə­ləri ilə iş sektorunun müdiri, SABAH qrupları İc­ra Ko­mitəsinin rəhbəri Elza Səmədova və Xəzər Uni­ver­sitetinin məzunu Prof. Sevinc İsgəndərova (Bricvoter kolleci, Virciniya, ABŞ) çıxış edərək, mə­zun­la­ra xoş   arzularını bildirdilər

Sonda bütün məzunlar və onları təbrik etmək üçün Xə­­zər Universitetinin təsisçisi,  Direktorlar və Qəy­yum­­lar Şurasının sədri, Prof.Akad Hamlet İsaxanlı səh­­nəyə dəvət olundular. Hamlet İsaxanlı çıxışında uni­­versitetin keçdiyi yola və qazandığı nailiyyətlərə nə­­zər saldı, məzunlara tövsiyələrini verdi.

Mərasim konsert proqramı ilə müşayiət olundu. Xə­­zər Universitetinin Kamera orkestri (bədii rəhbər: Mu­­siqi və incəsənət departamentinin müdiri, əməkdar müəl­lim, pianoçu Zülfiyyə Sadıqova), tələbələrdən iba­rət rəqs qrupu (quruluşçu müəllimlər: Səbinə Mi­nasazova və Vüqar Bağırov) “Xəzər”in məzunu  Toğ­rul Musayev və onun musiqi qrupu, universitetin müəl­­limi aşıq Ramin Qarayev, “Bakı-Təbriz” musiqi qru­­punun rəhbəri Elman İbrahimi və müğənni Şahin Əli­zadə çıxış etdilər.

Xəzər Universittinin daha bir ənənəvi məzunluq mə­rasimi başa çatdı.