QS reytinq agentliyi 2024-cü il iyulun 10-da Avropanın ən yaxşı universitetlərinin siyahısını açıqlayıb.

Xəzər Universiteti “QS World University Rankings: Europe 2025”-in nəşrinə əsasən 12 pillə irəliləyərək, 360-cı yerdə qərarlaşıb. Eyni zamanda, Qərbi Asiya universitetləri arasında 16-cı yer tutmuşdur.

Bununla yanaşı, Xəzər Universiteti məqaləyə sitat gətirmə üzrə 53 pillə irəliləyərək, Avropanın ən yaxşı 685 universiteti arasında öz mövqeyini gücləndirərək 17-ci yerdə qərarlaşmışdır.

Həmçinin, Xəzər Universiteti 12 göstəricidən 7-si üzrə Azərbaycan universitetləri arasında birincidir.

Bu nüfuzlu reytinqdə Avropa Şurasına daxil olan 42 ölkədən 685 ali təhsil müəssisəsi yer alıb. Azərbaycandan siyahıda 9 universitet təmsil olunmuşdur.

Reytinq qlobal təhsil məkanında tanınma, tədqiqat nəticələri, tədris resursları, beynəlmiləlləşmə, məzunların işlə təminatı və digər göstəriciləri özündə birləşdirir.

Reytinq haqqında daha ətraflı məlumat aşağıdakı linkdə:

https://www.topuniversities.com/europe-university-rankings