2024-cü il iyulun 4-də universitetin Buzovnadakı Konfrans-Konsert Mərkəzində tədris ilinin yekunları və strateji planlaşdırmaya həsr olunmuş geniş müşavirə keçirildi. Müşavirədə universitetin rəhbərliyi, fakültə dekanları, departament müdirləri, mərkəzlərin direktorları, əməkdaşlar və qonaqlar iştirak edirdilər.

Müşavirənin gündəliyinə akademik departamentlərin elmi fəaliyyəti, 2024-cü il üçün impakt faktorlu jurnallarda  məqalələrin nəşri, tədqiqat mərkəzləri və şöbələrin fəaliyyətinin müzakirəsi daxil idi.

Xəzər Universitetinin təsisçisi, Direktorlar və Qəyyumlar Şurasının sədri Prof.Akad. Hamlet İsaxanlı geniş məruzə ilə çıxış etdi. Natiq təhsil tarixi, fəlsəfəsi haqqında məlumat verdi. Xəzər Universitetinin keçdiyi inkişaf yolu, fəaliyəti haqqında danışdı,  universitetin cari tədris ilində gördüyü işlərə yekun vurdu. departamenlərin ixtisas və tələbə saylarının müqayisəsi, elmi məqalələrin nəşrinin keçən illə müqayisəsi əsasında hazırlanmış statistik  məlumatları və  beynəlxalq əməkdaşlıqla əlaqədar görülən işləri  ətraflı təhlil etdi.

Sonra H. İsaxanlı  magistr və doktorantura səviyyələrinə daha ciddi yanaşmaq, bakalavr səviyyəsində oxuyan tələbələri tədqiqata istiqamətləndirmək, doktoranturaya maraq yaratmaq, “Research” seminar təcrübəsini tətbiq etmək, tədqiqat mərkəzilərini gücləndirmək və beynəlxalq mərkəzlərə çevirmək, tədqiqata maliyyə ayırmaq, “idə ən azı iki məqalə” prinsipini saxlamaq və

Azərbaycanın görkəmli tədqiqatçılarını cəlb etmək haqqında tapşırıqlar verdi.

Bununla da ənənvi Buzovna müşavirəsi işini başa çatdırdı.