2024-cü il mayın 27-31-də  ERASMUS+ Beynəlxalq Mobillik  Proqramı çərçivəsində Türkiyə Respublikasının Manisa Celal Bayar Universitetinin akademik heyəti - Asiye Ayben Çelik, Şule Öztürk və Mustafa Tepeci Xəzər Universitetində  olmuşlar.

Universitetdə İqtisadiyyat və menecment departamenti və Beynəlxalq əlaqələr şöbəsinin əməkdaşları ilə Manisa Celal Bayar Universitetinin akademik heyəti arasında tanışlıq görüşü keçirilib.

Mayın 29-da İqtisadiyyat və menecment fakültəsinin tələbələri üçün Asiye Ayben Çelik “Əlçatan və inklüziv marketinq praktikaları” və Şule Öztürk “Məlumatların idarə edilməsi və prosesi”,  mayın 31-də isə Mustafa Tepeci “Qonaqpərvərlik və turizm üçün strateji idarəetmə” mövzularında mühazirə oxuyublar. Asiye Ayben Çelik fiziki məhdudiyyətli insanlara diqqət çəkərək, istehlakçı həssaslığı mövzusuna toxundu. Şule Öztürk real nümunələr və ən yaxşı təcrübələr əsasında məlumatların idarə edilməsi və prosesi haqqında fikirlərini bölüşdü. Muatafa Tepeci isə tələbələrə Porterin “5 qüvvə” modeli, resurslar və imkanların təhlili, dəyər zənciri təhlili və digər strateji üsullar haqqında geniş məlumat verdi.

İnteraktiv formada keçən hər üç seminarda məruzçəçilər və fakültənin tələbələri arasında müzakirələr aparıldı.