2024-cü il iyunun 27-də Xəzər Universitetinin rektoru Dos. İradə Xəlilova BMT İnkişaf Proqramının və Avropa Komissiyasının birgə təşəbbüsü ilə təşkil olunan Kapusçinski İnkişaf Mühazirələrindən (Kaptalks) birində iştirak etmişdir.
Qonaq məruzəçi, Malayziyanın Sunway Universitetinin Planetar Sağlamlıq Mərkəzinin icraçı direktoru, professor Tan Sri Dr. Jemilah Mahmud “Mürəkkəb dünyada necə yaşamalı: planetar sağlamlıq çıxış yolu kimi” məvzusunda mühazirə oxuyub.
Tədbirdə səhiyyə və təhsil sahəsinin mütəxəssisləri, ekspertlər, alimlər, tələbələr, dövlət orqanlarının nümayəndələri, diplomatlar və vətəndaş cəmiyyətinin təmsilçiləri iştirak ediblər.
Hibrid formatda təşkil olunan mühazirə bu il Azərbaycanda keçiriləcək COP29 hazırlıqları çərçivəsində baş tutub.
Sonda Planetar Sağlamlıq Alyansının üzvləri olan Dr. İradə Xəlilova və Dr. Jemilah Mahmud Xəzər Universiteti ilə Sunway Universiteti arasında COP29 çərçivəsində və digər əməkdaşlıq imkanlarını və tədqiqat layihələrini müzakirə ediblər.