2024-cü il iyunun 17-25-də  Xəzər Universitetinin təsisçisi, Direktorlar və Qəyyumlar Şurasının sədri Prof.Akad Hamlet İsaxanlı universitetin Nano-Bioanalitik Kimya Mərkəzinin direktoru Prof. Mustafa Soylak ilə Mərkəzi Asiya universitetlərinə işgüzar səfər ediblər.

Səfər çərçivəsində onlar iyunun 18-də Almatıda Əl-Fərabi Qazax Milli Universiteti,  iyunun 20-də Bişkekdə "Manas" Qırğızıstan-Türkiyə Universiteti,  iyunun 21-də Daşkənd Dövlət Texniki Universiteti və Daşkənd Dövlət Nəqliyyat Universiteti, iyunun 24-də isə Özbəkistan “İpək Yolu” Beynəlxalq Turizm Universiteti və Səmərqənd Dövlət Universitetinin nümayəndələri ilə görüşüblər.

Səfər zamanı universitetlərin perspektiv sahələrdə əməkdaşlığının inkişafına xüsusi diqqət yetirilib və Əl-Fərabi Qazax Milli Universiteti, "Manas" Qırğızıstan-Türkiyə Universiteti, Daşkənd Dövlət Texniki Universiteti, Daşkənd Dövlət Nəqliyyat  Universiteti, Özbəkistan “İpək yolu” Beynəlxalq Turizm Universiteti və Səmərqənd Dövlət Universiteti ilə ikitərəfli müqavilələr imzalanıb.