2024-cü il iyunun 25-də Xəzər Universitetinin Dillər və ədəbiyyatlar departamentində magistr dissertasiyalarının müdafiəsi keçirildi. Dillər və ədəbiyyatlar departamentində Azərbaycan dili ixtisası üzrə magistr təhsili alan Siyuan Wang “Transliterasiya qaydaları, Fonetik interferensiya (Azərbaycan və Çin dilləri materialları əsasında)” və Yuxuan Tang “Azərbaycan dilində hal kateqoriyası və onun Çin dilində ifadə vasitələri” mövzularında elmi tədqiqat işlərini təqdim etdilər. Hər bir iddiaçı elmi müzakirə şəraitinə uyğun olaraq komissiya üzvlərinin və ekspertlərin suallarını düzgün cavablandırdılar. Komissiya üzvləri – Dos. Dilbər Zeynalova, Dos. Rasim Heydərov, Dr. Reyhan Mədətova, Dr.Zəminə Ziyayeva, ekspertlər – Dos. Sevinc Ağayeva və Dr. Almaz Bədəlova iddiaçıların elmi biliklərinin nümayişindən və hazırlıq səviyyələrindən razı qaldıqlarını bildirdilər.Tövsiyə etdilər ki. elmi işlərini gələcəkdə davam etdirsinlər.
Magistrlər də öz növbələrində təhsil aldıqları müddətdə onlara göstərilən diqqət və qayğıya görə elmi rəhbərlərinə - Dos.Rasim Heydərova, Dr.Reyhan Mədətova və müəllimlərə,eləcə də universitet rəhbərliyinə təşəkkürlərini bildirərək, əldə etdikləri bilik və təcrübələrin gələcəkdə Çin-Azərbaycan elmi əlaqələrinin inkişafında mühüm rol oynayacağına əminliklərini ifadə etdilər.
Sonda qaydalara uyğun olaraq komissiya üzvlərinin ümumi rəyi əsasında təqdim olunan magistr elmi-tədqiqat işləri müsbət qiymətləndirildi və iddiaçılara müvafiq ixtisaslar üzrə magistr dərəcəsinin verilməsinə dair ümumi qərar qəbul edildi. Müdafiə Şurasının üzvləri hər iki iddiaçını təbrik edərək, onlara gələcək fəaliyyətlərində uğurlar dilədilər.