Xəzər Universitetinin Rektoru “Planetar Sağlamlıq Sammitində və 6-cı İllik Konfransında - PHAM2024” təmsil olunub.

XƏBƏRLƏR

19 May, 2025Prof.Akad. Hamlet İsaxanlı Bakı Musiqi Akademiyası nəzdində Opera Studiyasında bəstəkar Tahir Əkbərin xatirəsinə həsr olunmuş “Nostalji Axşam” adlı konsertdə

19 May, 2025Xəzər Universiteti və Anhui Universiteti akademik əməkdaşlığı gücləndirmək üçün Anlaşma Memorandumu imzaladı

10 May, 2025Xəzər Universiteti və Şanxay Beynəlxalq Tədqiqatlar Universitetinin birgə beynəlxalq konfransı

20 May, 2025Frankofoniya günləri çərçivəsində “Qəhrəmanlar görüşəndə” adlı fransız dilində açıq dərs

20 May, 2025Siyasi elmlər və fəlsəfə departamentinin müdiri Xəzər TV-də

19 May, 2025"İnsan psixikasında folklorun rolu və biblioterapiya" mövzusunda elmi seminar

19 May, 2025Departament müdiri TRT kanalında

18 May, 2025Tarix müəllimiyi ixtisası tələbələrinin Beynəlxalq Muzeylər günündə Bakı ətrafı abidələrə səfəri

18 May, 2025Xəzər MAFİ koordinatoru Aynur Qəzənfərqızı tələbələri ilə “Manqurt” tamaşasında

16 May, 2025Elm və Təhsil Nazirliyinin “Azərbaycan dili və ədəbiyyat tədrisi” elmi-metodik jurnalının təqdimatı

Xəzər Universitetinin Rektoru “Planetar Sağlamlıq Sammitində və 6-cı İllik Konfransında - PHAM2024” təmsil olunub.

16-19 aprel tarixlərində Malayziyanın Kuala Lumpur şəhərində yerləşən Sunway Universitetində əhəmiyyətli qlobal hadisə olan 2024 Planetar Sağlamlıq Sammiti və 6-cı İllik Yığıncaq baş tutub. Sammitdə Xəzər Universitetinin rektoru, “Vahid Sağlamlıq: Problemlər və Həlllər” mövzusunda keçirilən beynəlxalq konfransların sədri dosent İradə Xəlilova Planetar Sağlamlıq Alyansının və Mərkəzi və Qərbi Asiya PHA Regional Mərkəzinin üzvü kimi Xəzər Universitetini təmsil edib.

Planetar Sağlamlıq İllik Konfransında "Dəlillərdən Fəaliyyətə: Reallıqla Mübarizə" üçün 63 ölkədən 1000-dən çox iştirakçı hibrid olaraq Malayziyada toplanıb. Alyansın üzv təşkilatı və Mərkəzi və Qərbi Asiya Regional Mərkəzinin nümayəndəsi adından İradə Xəlilova Xəzər Universiteti və onun 2018-ci ildən bu yana müxtəlif planetar sağlamlıq təşəbbüslərində iştirakı, iqlim dəyişikliyi və davamlı inkişaf üzrə müxtəlif layihələrin təşviqi və 2024-cü ilin noyabr ayında Azərbaycanda keçiriləcək COP 29 haqqında məlumat verib. PHAM 2024 Sammitinin seminar sessiyaları zamanı rektor Mərkəzi və Qərbi Asiya PHA Regional Mərkəzi adından digər regional mərkəzlərlə sağlam planetə doğru müsbət dəyişikliklərin edilməsi ilə bağlı müzakirələrdə iştirak edib.

Dörd gün davam edən konfrans “Kuala Lumpur Fəaliyyətə Çağırış” və Planetar Sağlamlıq Yol Xəritəsi və Fəaliyyət Planının qəbul edilməsi ilə yekunlaşıb. Bu sənədlər iqlim və sağlamlıq böhranlarına dair toplanan dəlilləri yararlı fəaliyyətə çevirir və planetin sağlamlıq problemlərinin həlli üçün həyata keçirilən qlobal səylərin mühüm hissəsidir.

“Fəaliyyətə Çağırış”a daxil olmaq üçün bura klikləyin:

https://drive.google.com/file/d/1wzedVHV2W43bErOeYAd4xti5-xN2o4Sy/view

Yol xəritəsinə buradan baxa bilərsiniz:

https://drive.google.com/file/d/1ZFUFo09NkJJRpOl5Y5cLmV_HoA_4msRe/view

Konfransda dosent İradə Xəlilova yeni açılan Beynəlxalq Amerika Təhsil Məktəbində olub, məktəbin dekanı dosent Sim Tze Ying və ən yaxşı gənc Malayziya alimlərini təmsil edən Gənc Alimlər Şəbəkəsi-Malayziya Elmlər Akademiyasının sədri professor Abhimanyu Veerakumarasivam ilə görüşüb. Görüşdə məktəbin bütövlükdə Sunway Universiteti üçün faydaları və gələcək əməkdaşlıq imkanları müzakirə edilib.