2024-cü il iyunun 3-4-də Polşa Respublikasının Vrotslav Universitetinin nümayəndəsi Jakob Bornio və Türkiyənin Balıkesir Universitetinin nümayəndələri Ece Kanbur, Dinçer Kanbur, Muhammed Melih Gündüz Erasmus+ İşçi Heyətinin Mobilliyi Mübadilə Proqramı (Erasmus+ KA107171) çərçivəsində Xəzər Universitetində oldular və  Siyasi elmlər və fəlsəfə  departamenti, həmçinin Beynəlxalq əlaqələr  şöbəsi tərəfindən qəbul edildilər.

Proqramın ilk günü qonaqlarla  tanışlıq  prosesi başa çatandan  sonra hər iki universitet nümayəndələri tərəfindən təqdimat göstərildi. Görüşdə Beynəlxalq əlaqələr  şöbəsinin  müdiri Fatimə Vəliyeva və beynəlxalq əlaqələr üzrə koordinator Arzu Bədəlova iştirak etdilər. Görüş zamanı Arzu Bədəlova Xəzər Universiteti haqqında geniş məlumat verdi və  qonaqlar üçün  kampus turu təşkil olundu.

Proqramın ikinci günü Fatimə Vəliyeva  Xəzər Universitetinin Erasmus+ mübadilə proqramı çərçivəsində fəaliyyətini əks etdirən geniş təqdimat nümayiş etdi, sonra isə qonaqların bu istiqamətdə təcrübələri  müzakirə  olundu. Proqramın davamında   Dr. Jakob Bornionun   "Polşanın şərq siyasətində Cənubi Qafqaz " mövzusunda seminarı  dinlənildi.

Sonra universitetin rektoru  Dos. İradə  Xəlilova  qonaqları qəbul edərək  iştirakçılara sertifikat və hədiyyələr təqdim  etdi.

Proqram Atəşgah məbədinə səfərlə  sonlandı.