Xəzər Universiteti Təbiət elmləri və mühəndislik fakültəsinin dekanı Dr. Fəxrəndə Əfəndiyeva 2024-cü il mayın 27-31-də  İtaliyanın  Turin Politexnik  Universitetində ERASMUS+ Beynəlxalq  Mobillik  Proqra­­mı çərçivəsində işgüzar səfərdə olub.

Politexnik Universiteti tə­­rəf­daşlıq etdiyi uni­ver­si­tet­­ləri bir araya gətirərək, ERASMUS+  Beynəlxalq Kadr  Ha­zır­lı­ğı    Həftəsi - 2024-ə  ev   sahibliyi edib.  Tədbir STU­DI Departamentinin Təh­­­silin in­no­vasiya və inkişafı bölməsi tərəfindən ali təh­silin bey­nəl­miləl­ləş­dirilməsində iştirakçıların sə­riş­­tələrini ar­tırmaq məq­sədilə təşkil olunub.

Tədbirdə Avropa İttifaqına daxil olmayan 13 öl­kə­dən: Albaniya, Avstraliya, Azərbaycan, Çili, Çin, Ko­lum­­biya, Yaponiya, Keniya, Livan, Mərakeş, Cənubi Af­­rika Respublikası, ABŞ və Özbəkistandan gələn tə­­rəfdaş universitetlərin təhsil nümayəndələri  iştirak edib­lər.

Tədbirin ilk günü  Politexnik Universitetinin  rek­toru  vəzifəsini icra edən Prof. Elena Baralis və pro­rek­tor Prof. Patrizia Lombardinin nümayəndələri sa­lam­­layaraq,  tədbirin mahiyyəti ilə bağlı  açıqlama ve­riblər. Sonra isə Beynəlxalq əlaqələr üzrə prorektor Prof. Alberto Sapora  qonaq  universitetlər haqqında mə­lumat verib.

Nümayəndələr üç interaktiv seminarda  müzakirələr və təcrübə mübadiləsi aparıblar. Tədbir tərəfdaş uni­versitetlərin nümayəndələri arasında  dəyərli şə­bə­kə qurmaq imkanı yaradıb. Həftə ərzində tədbir Po­li­texnik Universitetin əsas kampusuna, Valentino qa­la­sının tarixi məkanına, Torino şəhərinə və Asiya İn­cə­sə­nət Muzeyinə səfərlərlə tamamlanıb.

Səfər zamanı  Dr. Fəxrəndə Əfəndiyeva  Beynəlxalq əla­qələr üzrə prorektor Prof. Alberto Sapora ilə gö­rü­şə­rək,  gələcəkdə  universitetlərarası professor-tələbə he­yətinin Beynəlxalq Mobillik Proqramında iştirakı ilə  bağlı müzakirələr aparıb.