ICESCO-nun qərarı ilə “Şuşa şəhərinin 2024-cü il üçün “İslam dünyasının mədəniyyət paytaxtı” elan edilməsi ilə bağlı Mərakeşdə iyunun 6-7-də Şuşa Şəhəri Dövlət Qoruğu İdarəsinin (ŞŞDQİ) təşkilatçılığı, Azərbaycan Respublikasının Mərakeş Krallığındakı səfirliyi, ICESCO və Dövlət Turizm Agentliyinin dəstəyi ilə “Şuşa günləri” keçirilib.
“Şuşa günləri” iyunun 7-də ölkənin paytaxtı Rabatda ICESCO-nun Baş qərargahında keçirilən geniş tədbirlə yekunlaşıb. Tədbirdə Şuşa rayonunda Azərbaycan Respublikası Prezidentinin xüsusi nümayəndəsi Aydın Kərimov, ICESCO-nun Baş direktoru Salim bin Məhəmməd əl-Malik, Azərbaycanın Mərakeşdəki səfiri Nazim Səmədov, Dövlət Turizm Agentliyinin Qoruqların İdarəetmə Mərkəzinin sədri Murad Ağabəyli, ŞŞDQİ-nin icraçı direktoru Tural Novruzov, xüsusi nümayəndəliyin, qoruğun əməkdaşları, həmçinin müxtəlif ölkələrin Mərakeşdə akkreditə olunmuş səfirləri, ICESCO rəsmiləri, dövlət qurumlarının nümayəndələri iştirak ediblər.
Rəsmi hissədən, AZƏRTAC-ın təqdim etdiyi fotolardan ibarət sərgiyə baxışdan, XVIII-XIX əsrlərə aid Qarabağ milli geyimlərinin nümayişindən və Şuşa mətbəxinin təqdimatından sonra tədbir konsert proqramı ilə davam edib. Konsert proqramında Azərbaycanın tanınmış incəsənət xadimləri Qarabağı, Şuşanı vəsf edən mahnılar, Azərbaycan Dövlət Rəqs Ansamblının üzvləri isə milli rəqsləri ifa ediblər. Konsert Xəzər Universittinin Musiqi və incəsənət departamentinin müdiri, əməkdar müəllim, pianoçu Zülfiyyə Sadığovanın iştirakı ilə (həm solo, həm müşayiət) keçib.
Tədbir mediada geniş işıqlandırılıb.
https://special.azertag.az/az/xeber/3044082
https://www.xalqqazeti.az/az/last-news/182776-merakesde-susa-gunleri və s.