2024-cü il iyunun 7-də Dillər və ədəbiyyatlar departamentinin müəllimi və dissertantı Ülviyyə Əhmədovanın Nizami Gəncəvi adına Milli Azərbaycan Ədəbiyyatı Muzeyində fəaliyyət göstərən ED 1.31 saylı Dissertasiya Şurasında “Azərbaycan milli istiqlal mübarizəsi və Gültəkin poeziyası” mövzusunda filologiya üzrə fəlsəfə doktoru alimlik dərəcəsi almaq üçün təqdim etdiyi Dissertasiyasının müdafiəsi uğurla keçdi. Elmi rəhbər Prof. Bədirxan Əhmədov, professorlar -Kamil Allahyarov, Cəlil Nağıyev, Abuzər Bağırov, elmlər doktoru İradə Musayeva, iddiaçının əsas məsləhətçisi tanınmış folklorşünas Əli Şamil və digərləri çıxış edərək, əsərin məziyyətlərindən bəhs ediblər. Sonra opponentlər- Prof Yaqub Babayev, Prof.Rafiq Novruzov, Dr. Nuranə Əsədullayeva mövzu ilə bağlı fikir və mülahizələrini ifadə edərək, dissertantın elmi iş üzərində kifayət qədər əhatəli işlədiyini söyləyiblər.