2024-cü il iyunun 3-7-də  Tarix və arxeologiya departamentinin müəllimi Kəmalə Mustafayeva Türkiyənin Qazi Universitetinə Erasmus+ proqramı çərçivəsində işgüzar səfər edib. Səfər  çərçivəsində departament müəllimi  Qazi Universitetinin Təhsil fakültəsinin Tarix bölməsindən Prof. Mustafa Safran, Prof. Necdet Hayta, Dos. Tuğba Belenli, Dos.Ayşegül Nihan Erol Şahinlə görüşüb. Kəmalə Mustafayeva  Xəzər Universitetinin Tarix və arxeologiya departamentinin fəaliyyəti və müvafiq ixtisasları haqqında türkiyəli həmkarlarına ətraflı məlumat verib.İşgüzar səfər zamanı Tarix bölməsinin assistenti doktorant Tuğba Ortaçla birlikdə Qazi Universitetinin kampus və bölmələrinə, Ankara Qalası, Anadolu Mədəniyyətləri Muzeyi və Rahmi M. Koç Muzeyinə, eyni zamanda, Ankaranın köhnə hamam meydanına ekskursiylarda iştirak edib.

 İyunun 6- da isə  Prof. Güray Kırpıkın rəhbərliyi ilə  Tarix müəllimliyi ixtisasının birinci və ikinci  kurs  tələbələri ilə birlikdə Türk Tarix Muzeyi və Parkına səfər təşkil edilib. Müəllim Kəmalə Mustafayeva həmin muzeydə “Azərbaycan Xalq Cumhuriyyətindən bu günümüzə uzanan Türkiye-Azərbaycan münasibətləri” mövzusunda  çıxış edib  və mövzu ətrafında  tələbələrin suallarını cavablandırıb.

 Sonda  Xəzər Universitetinə   işgüzar səfərə görə  sertifikat təqdim olunub.