Xəzər Universitetinin Psixologiya departamentinin müəllimi Ülkər İsayeva və universitetin təsisçisi, Direktorlar və Qəyyumlar Şurasının sədri,  riyaziyyat departamentinin müəllimi Prof.Akad. Hamlet İsaxanlının “Suicidal Behavior in Azerbaijan” (“Azərbaycanda intihar davranışı”) adlı birgə fəsli nəşr edilmişdir. Fəsil Springer Nature Singapore Pte Ltd şirkəti tərəfindən  “Suicidal Behavior in Muslim Majority Countries” (“Əhalisinin əksəriyyəti müsəlman olan ölkələrdə intihar davranışı”) adlı kitabda çap olunmuşdur.

Tədqiqatçılar Azərbaycanın unikal coğrafi, sosial-mədəni və tarixi reallığında intihar fenomenindən geniş danışırlar. Onlar Azərbaycanda intihar davranışına səbəb olan risk faktorlarını təsvir edir və intiharın qarşısının alınması üçün maneələrin aradan qaldırılması ilə bağlı mövcud problemlərin dərin təhlilini təqdim edirlər. Onlar qeyd edirlər ki, Azərbaycanda intihar digər oxşar ölkələrə nisbətən daha az olsa da, intihara təsir edən risk faktorları daha yaxından araşdırılmalıdır.