2024-cü il iyunun 5-də Xəzər Universitetində Türk Dünyası Rəqəmsal Vətəndaşlıq Layihəsində fəal iştirak edən tələbələrə TUDVA tərəfindən verilən sertifikatların təqdimat mərasimi olub. Tədbirdə İqtisadiyyat və menecment fakültəsinin dekanı  Dr.Ceyhun Məmmədov, Təbiət elmləri və mühəndislik fakültəsinin dekanı Dr. Fəxrəndə Əfəndiyeva,  Humanitar, təhsil və sosial elmlər fakültəsinin dekan müavini Aygün Verdiyeva, müəllimlər və tələbələr iştirak  ediblər.

Dillər və ədəbiyyatlar departamentinin müəllimi, TUDVA-nın Xəzər Universiteti üzrə koordinatoru Dr. Zəminə Ziyayeva tədbir və TUDVA platforması haqqında tədbir iştirakçılarını məlumatlandırıb.

Sonra Dr. Ceyhun Məmmədov tələbələrə sertifikatları təqdim edib.

Qeyd edək ki,  TUDVA 2022-ci ildə Türk Dövlətləri Təşkilatının təşkilatçılığı ilə Türkiyənin Ərzincan şəhərində keçirilmiş Türk Dünyası Simpoziumunda rəsmi quruluşu elan edilmiş bir platformadır. Xəzər Universitetinin tələbələri bu platformanın 3-cü ilində keçirilən dərslərdə iştirak ediblər:  Eltac Əbilov,  Lalə Məmmədova (Təbiət elmləri və mühəndislik fakültəsi),  Elnurə İsayeva, Emilya Səmədova, Natavan Orucova, Minurə Cavadova, Könül İbrahimli, Yaqut Seyidova (Humanitar, təhsil və sosial elmlər fakültəsi),  Əlağa Babayev (İqtisadiyyat və menecment fakültəsi) fəallığa görə müxtəlif sertifikatlarla təltif ediliblər.

Onlardan Əlağa Babayev (İqtisadiyyat və menecment fakültəsi, Biznesin idarə edilməsi ixtisası, 1-ci kurs) və Minurə Cavadova (Humanitar, təhsil və sosial elmlər fakültəsi, Tarix müəllimliyi ixtisası, 3-cü kurs) Türkiyədə təşkil ediləcək bir həftəlik “Elm düşərgəsi”ndə iştirak hüququ qazanmışlar.