2024-cü il iyunun 4-də Xəzər Universitetini həm respublika, həm də beynəlxalq tədbir və layihələrdə uğurla təmsil edən tələbələrin mükafatlandırılması mərasimi baş tutub. Tədbirdə Xəzər Universitetinin təsisçisi, Direktorlar və Qəyyumlar Şurasının sədri Prof.Akad. Hamlet İsaxanlı, Xəzər Universitetinin rektoru Dos. İradə Xəlilova, İdarəetmə və tələbə işləri üzrə prorektor İsaxan İsaxanlı, fakültə dekanları, universitet əməkdaşları və tələbələr iştirak ediblər.
İradə Xəlillova tədbiri giriş sözü ilə açaraq, tələbələri təbrik edib. Oların uğurlarına həsr edilən videoçarx nümayiş olunub. Sonra tələbələrə - Huseyn Musayev, Şərqiyyə Rəhimli, Aysu Məmmədli, Lalə Məhərrəmova, Şəfa Yusifova, Zeynal Mardanli, Əminə Əliyeva, Aygün Muradova, Davud Vahidov, Fərid Cənnətov, Rəvan Şərifov, Afət Əhmədova, Aişə Bəşirli, (Təbiət Elmləri və Mühəndislik), Şahin Əliyev, Elvin Məmmədsalahov, Əlağa Babayev, Ziya Əlizadə, Adəm Alıyev, Nərmin Cəbrayılova, (İqtisadiyyat və Menecment), Xəyalə Məmmədova, Şayəstə Malekan, Aldila Qonita Putri Aulia, Zöhrə Məmmədova, Səriyyə Allazova, Akif Rəfibəyli, Gülsün Həmidova, Minurə Cavadova, ( Humanitar, Təhsil və Sosial Elmlər ), Brilliant Windy Khairunnisa ( Təbiət Elmləri, Sənət və Texnologiya yüksək təhsil fakültəsi), Aduagba Yahaya Abdullahi və Momeena Mehdiyə (İqtisadiyyat və Biznes yüksək təhsil fakültəsi) mükafatlar verilib.
Mükafatlandırılma mərasimindən sonra Tələbə Məclisinin sədri Hüseyn Musayev universitet rəhbərliyinə təşəkkürünü bildirib və tələbələri təbrik edib. Əcnəbi tələbələr adından ikinci kurs magistratura tələbəsi Siyuan Wang çıxış edərək, vətənindən uzaqda olsa da, Azərbaycanda və universitetdə özünü öz evindəki kimi hiss etdiyini vurğulayıb.
Sonra Xəzər Universitetinin məzunu, Əmək və Əhalinin Sosial Müdafiəsi Nazirliyinin tabeliyində Sosial Xidmətlər Agentliyinin Sosial sifarişlər və layihələr departamentinin müdiri, Vətən müharibəsi iştirakçısı Fərhad Allahverdizadə təbrik nitqi söyləyib.
Tədbir konsert proqramı ilə başa çatıb.