2024-cü il mayın 27-də Azərbaycan Əmək və Sosial Münasibətlər Akademiyasında Tələbə Elmi Cəmiyyətinin ümummilli lider Heydər Əliyevin anadan olmasının 101-ci ildönümünə həsr  etdiyi  “Azərbaycanda kiçik və orta biznesə dövlət dəstəyi, onun inkişaf meylləri” mövzusunda bakalavr və magistrantların respublika elmi-praktik konfransı keçirilib. Konfransda ölkənin 8 ali təhsil müəssisəsindən  70  tələbənin elmi məruzəsi dinlənilib.

  Tarix və arxeologiya departamentinin müəllimi Dr.Yaqub Məmmədovun elmi rəhbərliyi ilə Humanitar, təhsil və sosial elmlər fakultəsinin  
“Tarix müəllimliyi” ixtisasında təhsil alan beş tələbəsi konfransda təmdil olunublar.  III kurs tələbələri Minurə Cavadova “Gülüstan müqaviləsi”, Nərmin Həsənova “Ermənilərin Azərbaycan xalqına qarşı soyqırım siyasəti”, Xani Əmirli “Xocalı soyqırımı” və II kurs tələbələri Könül İbrahimli “Böyük şəxsiyyət-Ziya Bünyadov”, Leyla Əliquliyeva isə “Görkəmli tarixçi- Sara Aşurbəyli” mövzularında uğurlu çıxışlar ediblər. Tələbələr maraqlı elmi məruzələrinə  görə sertifikatlarla təltif ediliblər.