2024-cü ilin 29 aprel - 1 may tarixlərində Bakı Ali Neft Məktəbində Ümumilli lider Heydər Əliyevin anadan olmasının 101-ci il dönümünə həsr olunmuş “Neft-qaz Geologiyası və mühəndisliyi” Tələbə və Gənc Tədqiqatçıların V Beynəlxalq Elmi Konfransı keçirilmişdir.
Xəzər Universitetinin II kurs magistrantı Arif Rüstəmov “Maşın təlimi üsulları ilə hasilatın proqnozlaşdırılması) ("Production Forecasting Using Machine Learning") mövzusu üzrə “Yer elmləri” ("Subsurface") bölməsində 2-ci yerə layiq görülmüşdür. Onun elmi rəhbəri Xəzər Universitetinin müəllimi Dr. Grigorii Penkov`dur.
Eyni zamanda, Arif Rüstəmov “Geoloji tətbiqlər üçün məsaməliliyin maşın təlimi üsullarına əsaslanan proqnozlaşdırıcı modelləşdirilməsi” ("Machine Learning-Based Predictive Modelling of Porosity for Geological Applications") mövzusu üzrə “Geologiya və Geofizika” ("Geology & Geophysics") bölməsində isə 3-cü yerə də layiq görülmüşdür. Bu mövzu üzrə onun məsləhətçisi isə Xəzər Universitetinin müəllimi Rəşad Nəzərəliyevdir.