2024-cü il mayın 27-də Xəzər Universiteti Mədəni antropologiya və folklor İnstitutunun (MAFİ) təşkilatçılığı ilə “Yaşıl Dünya Naminə Həmrəylik ili” çərçivəsində "Uyğur Ədəbiyyatında Eko-Poetika" adl tədbir keçirilib. Tədbiri Mədəni Antropologiya və Folklor İnstitutunun koordinatoru Dos. Aynur Qəzənfərqızı giriş sözü ilə açaraq,qonaqlar haqqında məlumat vermişdir.Tədbirdə qonaq qismində iştirak edən Dünya Uyğur Yazarlar Dərnəyinin sədri Abduşükür Qumtur Uyğur ədəbiyyatı haqqında ətraflə danışıb.O, öncə Uyğurların tarixi və ədəbiyyatı barədə qısa məlumat verıb, daha sonra ədəbiyyatda eko poetikanın rolundan danışıb.
Daha sonra söz Türkiyə Böyük Millət Məclisinin vəkili, folklorşünas alim Prof. Metin Erguna verilib. O da öz çıxışında uyğurların siyasi tarixindən bəhs edib və onların uğradığı soyqırımından bəhs edib.
Tədbirdə həmçinin Dillər və ədəbiyyatlar departamentinin müəllimi Dr. Zəminə Ziyayeva, universitetin Humanitar təhsil və sosial elmlər üzrə dekan əvəzi Aygün Verdiyeva, dekan müavini Pərvin Kərimova və AMEA Folklor İnstitutunun əməkdaşı Aynurə Səfərova, həmçinin İsveçdən gəlmiş uyğur əsilli Münəvvər Qumtur və Hacı Bayram Vəli Universitetinin professoru Pervin Ergun da iştirak ediblər. Çıxışlardan sonra tələbələr qonaqlara maraqlı suallar ünvanlayıblar. Sonda xatirə şəkli çəkilib