2024-cü il mayın 24-də Xəzər Universitetinin Coğrafiya və ətraf mühit departamentinin II kurs tələbələrinə Ekologiya və Təbii Sərvətlər Nazirliyinin Milli Hidrometeorologiya Xidmətində “Meteorologiya və İqlimşünaslıq” fənni (fənn müəllimi Cavid Hüseynov) üzrə məşğələ  keçirilib.

 Məşğələdə tələbələrə respublikamızın hidrometeoroloji müşahidə şəbəkəsi, erkən xəbərdarlıq sistemləri, hidrometeoroloji stansiya, eləcə də  məntəqələrdə istifadə edilən cihaz və avadanlıqlar, müşahidə məlumatlarının işlənməsi, proqnoz-xəbərdarlıqların hazırlanması və ötürülməsi haqqında geniş məlumat verilib. Sonra tələbələr  proqnozların tərtibi zamanı istifadə olunan texnologiyalarla, sinoptik vizuallaşdırma, peyk və radar məlumatları ilə   yaxından tanış olublar. Məşğələ zamanı tələbələri maraqlandıran suallar Milli hidrometeorologiya xidmətinin mütəxəssisləri tərəfindən ətraflı cavablandırılıb.

Müəllim Cavid Hüseynov səmərəli əməkdaşlığa və yaradılan  şəraitə görə Xidmətin rəhbərliyinə təşəkkürünü bildirib.