Siyasi elmlər və fəlsəfə departamentinin müdiri  Dr. Orxan Vəliyev 2024-cü il mayın 21-22-də İstanbulda İbn Haldun Universiteti Heydər Əliyev Avrasiya Araşdırmaları Mərkəzinin  təşkil etdiyi  “Beynəlxalq Avrasiya Konfransı 2024”-də   (International Eurasia Conference 2024)  iştirak edib.

Konfrans mərkəzin direktoru Prof. Yaşar Sarının və digər qonaqların açılış nitqi ilə  başlayıb. İki gün ərzində  Macarıstandan, Polşadan, Azərbaycandan, Orta Asiya və Çindən olan elm adamlarının və gənc tədqiqatçıların məruzələri dinlənilib.

2024-cü il mayın 22-də  İbn Haldun Universitetinin rektoru Prof. Atilla Arkanın bağlanış nitqi və iştirakçılara sertifikatların verilməsi ilə konfrans öz işini başa çatdırıb. Təqdim edilən məruzələrın  beynəlxalq statuslu İbn Haldun Universitetinın nəşriyyatında   nəşr olunması nəzərdə tutulub.

Qeyd edək ki, Dr. Orxan Vəliyev  konfransda “Post-konflikt Azərbaycanında milli siyasətin təkrar nəzərdən keçirilməsi və tarixin yenidən yazılması” mövzusunda məruzə ilə çıxış edib.

Link: https://avrasya.ihu.edu.tr/en