2024-cü il mayın 21-də Bakı Dövlət Universitetinin Konfutsi Mərkəzi və Çin Xalq Respublikasının Azərbaycandakı səfirliyinin birgə təşkilatçılığı ilə XXIII “Çin dili körpüsü” beynəlxalq müsabiqəsi çərçivəsində “Çin dili körpüsü” müsabiqəsi keçirilib.

Müsabiqədə ölkənin müxtəlif ali təhsil ocaqlarından Çin dilini öyrənən tələbələr iştirak ediblər. İştirakçılar dil bilikləri ilə yanaşı rəqs, rəsm, mahnı və aktyorluq kimi istedadlarını da sərgiləyiblər.

Müsabiqədə Çin Xalq Respublikasının Azərbaycan Respublikasındakı səfirliyinin müvəqqəti işlər vəkili Dinq Tao, BDU-nun beynəlxalq əlaqələr üzrə prorektoru Şahin Pənahov, Şərqşünaslıq fakültəsinin dekanı Aydan Xəndan,  Beynəlxalq əlaqələr şöbəsinin müdiri Rauf Həsənov, BDU-da fəaliyyət göstərən Konfutsi Mərkəzinin direktoru Vanq Haoqianq iştirak ediblər.

Müsabiqədə birinci yeri Xəzər Universitetinin Humanitar, rəhsil və sosial elmlər fakültəsinin tərcümə (ingilis dili) ixtisası üzrə təhsil alan dördüncü kurs tələbəsi, universitetdəki fəaliyyət Konfutsi Mərkəzinin iştirakçısı Xəyalə Məmmədova, ikinci yeri BDU-nun Şərqşünaslıq fakültəsinin tələbəsi Sevda Məcidli, üçüncü yeri Şərqşünaslıq fakültəsinin tələbəsi Ayla İsmaylova, BDU-nun Konfutsi mərkəzinin tələbəsi Fəridə Süleymanova və Azərbaycan Dillər Universitetinin tələbəsi Fatimə Əliyeva tutublar.

Müsabiqədə birinci yer qazanan Xəyalə Məmmədova Çində keçiriləcək final mərhələdə Azərbaycanı təmsil edəcək.

AZƏRTAC İnformasiya Agentliyi, digər xəbər portalları və saytlar  bu barədə xəbər yayımlamışlar.

https://azertag.az/xeber/bdu_da_chin_dili_korpusu_musabiqesi_kechirilib-3014958 və s.