Boğaziçi Universitetinin Fizika və Xəzər Universitetinin Riyaziyyat departamentlərinin əməkdaşı,  fizika üzrə fəlsəfə doktoru İlmar Qəhrəmanov Türkiyədə qeyri-hökumət təşkilatı olan Elm Akademiyasının “Gənc elm adamı" mükafatına layiq görülüb  Akademiyanın Mükafat komitəsi Türkiyədə fəaliyyət göstərən gənc elm adamları arasından ən istedadlılarını və gələcək fəaliyyətində də uğur qazanacağı bəlli olanları seçməyi hədəfləyir. Qaliblərə elmi tədqiqatlarında kömək məqsədilə təqaüd də verilir..

İlmar Qəhrəmanov riyazi və nəzəri fizikanın yüksək enerji fizikası, supersimmetriya, sim nəzəriyyəsi və inteqrallanan sistemlər kimi sahələr üzrə mütəxəssisdir. 2019-cu ildən Boğaziçi Universitetində çalışan İlmar Qəhrəmanov fəlsəfə doktoru (PhD) elmi  dərəcəsini Almaniyanın Berlin Humboldt Universitetində alıb, Potsdamda Maks-Plank Cəmiyyətinin Albert Eynşteyn adına Qravitasiya Fizikası İnstitutunda iki il post-doktorant kimi çalışıb.

İlmar Qəhrəmanov, həmçinin, Xəzər Universitetinin Riyaziyyat departamentində çalışır və universitetdə fəaliyyət göstərən Riyaziyyat və Onun Tətbiqləri Elmi Tədqiqat Mərkəzinin üzvüdür

“525-ci qəzet” 7 may 2024-cü il tarixli nömrəsində bu barədə xəbər dərc etmişdir.

https://525.az/news/260897-azerbaycanli-alim-turkiyede-ilin-genc-elm-adami-secilib