2024-cü il  mayın 16-da   Xəzər Universitetinin nümayəndə heyəti Pakistan İslam Respublikasının Azərbaycandakı səfirliyində   olub. Görüşdə Pakistanın Azərbaycandakı Fövqəladə və səlahiyyətli səfiri Bilal Haye, Xəzər Universitetindən Təbiət elmləri və mühəndislik fakültəsinin dekanı Dr. Fəxrəndə Əfəndiyeva, Kompüter elmləri departamentinin müəllimi Hafiz Muhammad Azeem Akram və Beynəlxalq əlaqələr şöbəsinin müdiri Fatimə Vəliyeva iştirak ediblər.

 Qarşılıqlı fikir mübadiləsi prosesində  Xəzər Universiteti ilə Pakistan universitetləri arasında elm və mühəndislik tədqiqatı sahəsində uzunmüddətli əməkdaşlıq imkanları müzakirə olunub. Tərəflər arasında tələbə mobilliyi, akademik mübadilələrin təşkil olunması imkanları nəzərdən keçirilib. Sonda isə qarşılıqlı hədiyyələr təqdim olunub.