2024-cü il mayın 19-da Xəzər Universitetinin Humanitar, təhsil və sosial elmlər fakültəsinin “Tarix müəllimliyi” ixtisasında təhsil alan I kurs tələbələri Tarix və arxeologiya departamentinin müəlllimi Dr. Yaqub Məmmədovun təşkilatçılığı ilə Qobustan Dövlət Tarixi-Bədii Qoruğunda və Milli Azərbaycan Tarixi Muzeyində olublar.

Ekskursiya zamanı Yaqub Məmmədov  tələbələrə Qobustanın arxeoloji cəhətdən öyrənilməsi və muzeydə saxlanılan arxeoloji nümunələr haqqında geniş məlumat verib. Eləcə də tələbələrlə qayalar üzərində yüzlərlə piktoqrafik nümunələr, onların çəkilmə texnilkaları və  dünyada yeri haqqında müzakirələr aparılıb. 

Milli Azərbaycan Tarixi Muzeyinin yeni açılmış ekspozisiyası ilə tanışlıq tələbələrdə dərin təəssürat yaradıb. Qeyd etmək lazımdır ki, muzeylərlə tanışlıq tələbələrin əldə etdikləri nəzəri biliklərin möhkəmləndirilməsinə xidmət edir və bu iş mütəmadi  təşkil olunur.