Siyasi elmlər və fəlsəfə departamentinin müdiri Dr. Orxan Vəliyev 22 aprel – 30 may tarixlərində Elm və Təhsil Nazirliyinin dəstəyi və Bir Könüllü Tələbə təşkilatının təşkilatçılığı ilə təşkil edilən “Milli Kimlik Məktəbi” layihəsi çərçivəsində 2024-cü il mayın 15-də Slavyan Universitetində təlim keçib.Təlimin sonunda isə departament müdiri tələbələrlə milli şüurun mənimsənilməsinə dair interaktiv oyun təşkil edib.
Layihənin məqsədi gənclər arasında milli kimlik şüurunun möhkəmlənməsinə tövhə verməklə yanaşı, onları radikal meyllərdən uzaqlaşdırmaq və milli kimliyin müxtəlifliklərin toplamından ibarət olduğu fikrini aşılamaqdır.
Layihənin sonunda təlimdə fərqlənənlər Şuşaya ekskursiyaya aparılacaq.