2024-cü il mayın 16-da Xəzər Universitetinin Dillər və ədəbiyyatlar departamentində “Yaşıl dünya naminə həmrəylik ili” çərçivəsində “Sənət və təbiət münasibətləri: Meşəyə insan gəlir” adlı dəyirmi masa keçirilib. Tədbiri departamentin müəllimi Dr.Röya Mürşüdova giriş sözü ilə açaraq, Azərbaycan ədəbiyyatı kontekstində sənət və təbiət münasibətləri, ekoloji problemlərin həllində ədəbiyyatın rolu haqqında danışıb.Tədbirdə qonaq qismində iştirak edən şair Aqşin Yenisey “ekoədəbiyyat” və “ekotənqid” anlayışları haqqında geniş məlumat verərək, təbiətin qorunmasında bədii ədəbiyyatın imkanlarından, mifologiyada, klassik və çağdaş Azərbaycan ədəbiyyatında insan və təbiət münasibətlərindən bəhs edib.
Tədbirdə departamentin müəllimləri dosent Dr. Ülvi Babasoy, Dr. Zəminə Ziyayeva, Dr.Reyhan Mədətova mövzu ətrafında fikir və mülahizələrini bildiriblər. Yekunda tələbələr Aqşin Yeniseyin təbiət mövzusunda qələmə aldığı şeirləri səsləndiiriblər və mövzu ilə bağlı onları maraqlandıran suallar şair tərəfindən cavablandırılıb.