BMT-nin İqlim Dəyişikliyi üzrə Çərçivə Konvensiyasının Tərəflər Konfransının 29-cu sessiyasının – COP 29-un bu ilin noyabrında Bakıda keçiriləcək tədbirlər çərçivəsində  Azərbaycanda  müxtəlif işlər görülür. Sadəcə ölkə üçün deyil, dünya üçün önəmli olan beynəlxalq konfransla bağlı Xəzər Universiteti də bir sıra tədbirlər planı həyata keçirir. Bunlardan biri də universitet tələbələrinin COP 29 -la bağlı müxtəlif istiqamətli maarifləndirilməsidir. 2024-cü il mayın 15-də  universitetin Tarix və arxeologiya departamentinin müəllimi tarix üzrə fəlsəfə doktoru Bayram Quliyevin  tələbələr üçün “İşğal altında olan torpaqlarda törədilən ekoloji terror” mövzusunda açıq mühazirəsi dinlənilib.  Qarabağın böyük bir hissəsini gəzərək əldə etdiyi bilgiləri ekoloji terror kontekstində tələbələrlə bölüşən B. Quliyev öz təqdimatında  müqayisə üçün bölgələrin əski və işğaldan azad olunandan sonrakı fotolardan  bəhrələnib.