2024-cü il  aprelin 23-də   Beynəlxalq Əlaqələr şöbəsi  və İqtisadiyyat və Menecment departamentinin birgə təşkilatçılığı ilə Xəzər Universitetində Çukurova Universitetinin professor Hakan Çifçi tərəfindən makroiqtisadi seminar  keçirilib.

Professor Çifçi seminara dünyanın makroiqtisadiyyat tarixi haqqında məlumatla  başlayıb. O, ölkələrdəki inflyasiya və işsizlik dərəcələrinə təsir göstərə bilən hökümətin pul siyasəti, həmçinin vergilər və dövlət xərcləmələri ilə bağlı fiskal siyasəti haqqında söhbətlər aparıb. Professor gəlir, xərc, borc və investisiya arasında olan əlaqəni tələbələrlə bölüşüb. Görüşdə tələbələr interaktiv iştirak edərək professorun verdiyi sualları cavablandırıblar.