2023-cü il dekabrın 21-də Xəzər Universitetində Çin Hebei Normal Universitetinin əməkdaşları ilə görüş keçirilib.

Görüşdə qonaqlar - Hebei Normal Universitetinin sabiq partiya katibi və nümayəndə heyətinin rəhbəri Dai Jianbing, Biznes fakültəsinin rəhbəri Zhang Xuewen, Xarici tədqiqatlar fakültəsi və Rusiya mərkəzinin rəhbəri Guo Xiaoli, Xarici tədqiqatlar fakültəsinin müəllimi Cheng Hong, Beynəlxalq mədəniyyət mübadilələri kollecinin dekanı Qi Xiaoyan, Pekin Xarici Dillər Universitetinin müəllimi və bu ali məktəbin Regionşünaslıq kafedrasının tədqiqatçısı Aqşin Əliyev; Xəzər Universitetindən təsisçi, Direktorlar və Qəyyumlar Şurasının sədri Prof. Akad. Hamlet İsaxanlı, rektor Dos. İradə Xəlilova, İqtisadiyyat və Biznes yüksək təhsil fakültəsinin dekanı İnqilab Əhmədov, Təbiət elmləri və mühəndislik fakültəsinin dekanı Fəxrəndə Əfəndiyeva və Beynəlxalq əlaqələr şöbəsinin müdiri Fatimə Vəliyeva iştirak ediblər

Qarşılıqlı fikir mübadiləsi prosesində Beynəlxalq əlaqələr şöbəsinin müdiri Fatimə Vəliyeva tərəfindən Xəzər Universiteti barədə, İqtisadiyyat və Biznes yüksək təhsil fakültəsinin dekanı İnqilab Əhmədov tərəfindən aktiv layihələr barədə, Pekin Xarici Dillər Universitetinin müəllimi və bu ali məktəbin Regionşünaslıq kafedrasının tədqiqatçısı Aqşin Əliyev tərəfindən Çin tədqiqatlar mərkəzi barədə, Çin Beynəlxalq mədəniyyət mübadilələri kollecinin dekanı Qi Xiaoyan tərəfindən isə Hebei Normal Universiteti barədə təqdimatlar nümayiş etdirilib. Müzakirənin mövzusu qarşılıqlı əlaqələrin inkişaf etdirilməsi olub.

Sonra hər iki təhsil müəssisəsi arasında əlaqələri genişləndirmək məqsədilə qarşılıqlı anlaşma memorandumu imzalanıb və Hebei Normal Universiteti nümayəndələrinin Çin mədəniyyəti ilə bağlı çıxışları dinlənilib.

Görüşün sonunda tərəflər hədiyyə təqdim etmişlər.