2023-cü il dekabrın 22-də Xəzər Universiteti Karyera Mərkəzinin təşkilatçılığı ilə “Norm Sement” zavoduna sahə gəzintisi təşkil olunub. Gəzintidə Kimya mühəndisliyi ixtisası üzrə təhsil alan 3-cü kurs, eləcə də İnşaat mühəndisliyi ixtisası üzrə təhsil alan 3-cü və 4-cü kurs tələbələri iştirak ediblər.

Öncə şirkətin İnsan resursları üzrə supervayzeri Tamerlan Ələkbərli müəssisə haqqında geniş məlumat verib. Sonra tələbələrə sement hazırlamaq üçün əsas komponent olan sobanın işləmə prinsipi barədə izahat verilib.

“Norm Sement” zavodunun Kimya mühəndisi Rüfət Oğuztürk isə tələbələrə laboratoriya şəraiti, cihazların iş prinsipi və onlardan istifadə qaydaları haqqında danışıb.