2023-ci il dekabrın 24-də Xəzər Universitetinin Əcnəbi tələbələr klubu və Beynəlxalq əlaqələr ofisinin təşkilatçılığı ilə universitetin əcnəbi və yerli tələbələri üçün Şamaxıya ekskursiya təşkil edilib.
Ekskursiyada Beynəlxalq əlaqələr ofisinin müdiri Fatimə Vəliyeva, Beynəlxalq əlaqələr ofisinin koordinatorları Arzu Bədəlova və Turan Əlizadə, eləcə də Əcnəbi tələbələr klubunun prezidenti Alisa Nəsirzadə, vitse-president Abdullah Aduagba Yahaya və tədbirlər üzrə koordinator Jalə Zeynalzadə iştirak ediblər.
Gəzinti çərçivəsində tələbələr ilkin olaraq Tarix-Diyarşünaslıq Muzeyi və orada yer alan eksponatlarla yaxından tanış olublar. Sonra isə Cümə məscidi, Yeddigünbəz türbələr kompleksi və Nəsrəddin Tusi adına Şamaxı Astrofizika Rəsədxanasına ekskursiyalar təşkil edilib.
Məqsəd ölkənin zəngin mədəni irsinin təbliği və tanıdılması, eləcə də əcnəbi və yerli tələbələrin inteqrasiyasının möhkəmləndirilməsi olub.