2023-ci il dekabrın 12-də Xəzər Universitetində Çin Hebei İqtisadiyyat və Biznes Universitetinin əməkdaşları ilə görüş keçirilib. Görüşdə Hebei İqtisadiyyat və Biznes Universitetinin vitse prezidenti Li Guijun, universitetin prezident aparatının direktoru Lyu Jianchun, Riyaziyyat və statistika fakültəsinin dekanı Liang Jianying, İnformasiya texnologiyaları fakültəsinin dekanı Sun Lihui və Beynəlxalq Mübadilə Mərkəzinin direktoru Shang Liwei, Xəzər Universitetinin təsisçisi, Direktorlar və Qəyyumlar Şurasının sədri Prof. Akad. Hamlet İsaxanlı, universitetin rektoru Dos. İradə Xəlilova, İqtisadiyyat və Menecment fakültəsinin dekanı Ceyhun Məmmədov, İqtisadiyyat və biznes yüksək təhsil fakültəsinin dekanı İnqilab Əhmədov, Təbiət elmləri, sənət və texnologiya yüksək təhsil fakültəsinin Elmi işlər üzrə dekan müavini Günel Bahəddinova, Riyaziyyat departamentinin müdiri Əli Hüseynli, Kompüter elmləri departamentinin müəllimi Hafiz Məhəmməd Azim Əkrəm, Beynəlxalq əlaqələr şöbəsinin müdiri Fatimə Vəliyeva və koordinatoru Arzu Bədəlova iştirak ediblər.

Görüş prosesində Arzu Bədəlova və İnqilab Əhmədov tərəfindən Xəzər Universiteti və universitetin cari layihələri haqqında təqdimat nümayiş etdirilib. Universitetlər arasında müzakirə mövzusu isə qarşılıqlı əlaqələrin inkişaf etdirilməsi olub.