2023-cü il noyabrın 13-də İstanbul Ticarət Universitəsinin rektoru Prof.Dr. Abdülhamit Avşar Xəzər Universitetində universitetin təsisçisi, Direktorlar və Qəyyumlar Şurasının sədri Prof.Akad. Hamlet İsaxanlı ilə görüşdü. O, İstanbul Ticarət Universiteti, oradakı ixtisaslar və fakültələr haqqında H.İsaxanlıya geniş məlumat verdi və yeni çapdan çıxmış kitabını hədiyyə etdi. Görüş İctimai əlaqələr və media üzrə direktor Əlövsət Əmirbəylinin iştirakı ilə keçdi.

Sonra Prof.Dr. Abdülhamit Avşar Xəzər Universitetinin rektoru Dos. İradə Xəlilova ilə görüşdü. Görüş zamanı əlaqələrin inkişaf etdirilməsi, ikitərəfli müqavilələrin imzalanması və digər məsələlər müzakirə olundu. Görüşdə Təbiət elmləri və mühəndislik fakültəsinin dekanı Fəxrəndə Əfəndiyeva, İqtisadiyyat və menecment fakültəsinin dekanı Ceyhun Məmmədov iştirak etdilər.