2023-cü il noyabrın 1-də Heydər Əliyev Mərkəzində “Uzun Həsən - Ağqoyunlu dövlətinin hökmdarı” sərgisinin açılışı olub. Tədbirdə Xəzər Universiteti Tarix və arxeologiya departamentinin dosenti, Dr. Roza Arazova, Dr. Yaqub Məmmədov, müəllimlər Orxan Zamanov və Kəmalə Mustafayeva iştirak etmişlər.
Sərgidə görkəmli dövlət xadimi və sərkərdə Uzun Həsənin həyatına və yaratdığı Ağqoyunlu dövlətinə dair bir çox nadir eksponatlar, o cümlədən İstanbuldakı Hərb Muzeyində saxlanılan və indiyə qədər Türkiyə hüdudlarından kənara çıxarılmayan tarixi nümunələr nümayiş olunur. Bu eksponatlar ilk dəfə Azərbaycanda təqdim edilir. Sərgi 2024-cü il yanvarın 17-dək davam edəcək.