2023-cü il oktyabrın 17-də Xəzər Universiteti Ekoloji Tədqiqatlar Mərkəzinin Direktoru Rövşən Abbasov Sumqayıt “Dünya” məktəbinin şagirdləri ilə birlikdə ekskursiyada olmuşdur.

Əvvəlcə Rövşən Abbasov kameral şəraitdə 2015-2020 illərdə “Pure Earth” təşkilatı və Sumqayıt Bələdiyyəsi ilə birgə Sumqayıtda keçirilmiş təmizləmə layihəsi haqqında məlumat vermişdir. Sonra məktəbin İB sektorunun 6-8-ci sinif şagirdləri ilə birlikdə Sumqayıt ətrafındakı təmizləmə məntəqlərindən birinə çöl səyahəti təşkil olunmuşdur. Çöl işi zamanı uşaqlar əvvəllər sənaye çirklənməsinə məruz qalan və daha sonra təmizlənmə layihəsinin keçirildiyi ərazi haqqında ətraflı məlumatlar almışlar.