2023-cü il sentyabrın 20-də Çin Xalq Respublikasında keçirilən 23-cü Çin Beynəlxalq Sənaye sərgisinin 2-ci günündə Xəzər Universitetinin nümayəndə heyəti Şanxay Universiteti və Pan Şu Elm-Texnologiyalar Parkında keçirilən görüşdə olmuşdur. Görüşdə, həmçinin, Qazaxıstan Əl-Fərabi Dövlət Universitetinin də nümayəndə heyəti iştirak etmişdir.

Universitetlərin təqdimatlarından sonra, Prof.Akad. Hamlet İsaxanlı Xəzər Universiteti ilə Şanxay Universiteti və Pan Şu Elm-Texnologiyalar Parkı arasında imzalanmış anlaşma memorandumunun detallarını müzakirə etmişdir. Görüş universitet nümayəndələrinin qarşılıqlı müzakirələri ilə başa çatmış, xatirə hədiyyələri təqdim olunmuşdur. Sonda Pan Şu Elm-Texnologiyalar Parkına baxış keçirilmişdir.