Xəzər Universitetinin Tarix və arxeologiya departamentinin müəllimi, tarix üzrə fəlsəfə doktoru Yaqub Məmmədov 14 iyul-12 avqust tarixlərində “Paleolit arxeoloji ekspedisiyası”nın tərkibində Quba-Qusar rayonlarında arxeoloji kəşfiyyat işlərində iştirak etmişdir. Nəticədə, həmin rayonların ərazisindən alt və orta paleolit dövrünə aid beşdən artıq yeni paleolit tapıntı yeri qeydə alınmışdır.

Budan əlavə, Y.Məmmədov monitorinq məqsədi ilə, işğaldan azad edilmiş Xocavənd rayonu ərazisində yerləşən Azıx və Tağlar mağaralarında da olmuşdur. Qeyd etmək lazımdır ki, yaxın müddətdə burada tədqiqat aparılması nəzərdə tutulub.