2023-cü il iyulun 28-də Ankaradakı Hacettepe Universitetində Tibb fakültəsinin dekanı Prof. Dr. Deniz Demiryürek Xəzər Universitetinin təsisçisi, Direktorlar və Qəyyumlar Şurasının sədri, East-West Universitetinin qurucusu Prof. Akad. Hamlet İsaxanlını və rəhbərlik etdiyi heyəti qəbul etdi. O, Hacettepe Universiteti haqqında, həmçinin Xəzər Universiteti ilə olan əlaqələrdən danışdı və bundan sonra da hər zaman əlaqələrin daha da genişləndirilməsinə kömək edəcəyini bildirdi. Hamlet İsaxanlı səmimi görüş üçün təşəkkürünü bildirdi və Deniz Demiryürek`ə Azərbaycana aid Dostluq Plaketini təqdim etdi.

Hamlet İsaxanli Deniz Demiryürek`ə Tbilisidə yeni yaradılmış East-West Universitetinin Tibb Fakültəsi haqqında geniş məlumat verdi və gələcəkdə əməkdaşlıq etmək üçün hazır olduqlarını bildirdi.

Hacettepe Universitetinin dekanı Deniz Demiryürek qonaqları universitetin klinikaları ilə yaxından tanış etdi və haqqında geniş məlumatlar verdi.