2023-cü il iyulun 27-də Xəzər Universitetinin təsisçisi, Direktorlar və Qəyyumlar Şurasının sədri, East West (Tbilisi, Gürcüstan) Üniversitetinin qurucusu Prof. Akad. Hamlet İsaxanlı, East West Üniversitetinin qurucusu Prof. Teimuraz Khurodze və Xəzər Universitetinin İctimai əlaqələr və media üzrə direktoru Əlövsət Əmirbəyli Ankarada yerləşən Ufuk Universitetinde oldular.

Ufuk Universitetinin rektoru, Prof. Dr. Mete Dolapçı, Tibb fakültəsinin dekanı Prof. Dr. Ahmet Hakan Haliloğlu və Doç.Dr. Ergenekon Savrun qonaqları səmimi qarşılayaraq, onları Ufuk Universitetinin yaradılması və hazırkı fəaliyyəti haqqında geniş məlumatlandırdı.

Prof. Akad. Hamlet İsaxanlı Xəzər Universiteti və qurucu üzvlərdən biri olduğu Gürcüstanın Tbilisi şəhərində yeni fəaliyyətə başlayan East West Universiteti və orada yeni fəaliyyətə başlayan Tibb fakültəsi haqqında ətraflı məlumat verdi.

Görüşdə hər iki tərəf gələcəkdə qarşılıqlı mübadilə programlarının həyata keçirlməsinin məqsədəuyğun olduğunu vurquladılar və Prof. Akad. Hamlet İsaxanlı və Prof. Dr. Mete Dolapçı müqavilə imzaladılar. Həmçinin, Prof. Akad. Hamlet İsaxanlı, Prof. Teimuraz Khurodze və Prof. Dr. Mete Dolapçı arasında anlaşma protokolu imzalandı. Sonra qonaqlar Ufuk Universitetinin tibb laboratoriyaları və digər tədris mərkəzləri ilə tanış oldular.