2023-cü il iyulun 7-də Elm və Təhsil Nazirliyinin təşkilatçılığı ilə ADA Universitetində Bakıda yerləşən ali təhsil müəssisələrinin beynəlxalq əlaqələr və əcnəbi tələbələrlə iş üzrə rəhbər şəxslərinin görüşü keçirilib.

Görüşdə Elm və Təhsil Nazirliyi, Təhsildə Keyfiyyət Təminatı Agentliyi, Milli Erasmus+ ofisi, eləcə də 32 ali təhsil müəssisəsinin əməkdaşları, o cümlədən Xəzər Universitetinin Beynəlxalq əlaqələr üzrə prorektoru Vlad Vernygora və Beynəlxalq əlaqələr şöbəsinin koordinatoru Turan Əlizadə iştirak etmişlər.

Tədbirdə əcnəbi tələbələrin cəlbi ilə bağlı təcrübə mübadiləsi aparılmışdır.

Elm və Təhsil Nazirliyinin Beynəlxalq əməkdaşlıq şöbəsinin müdiri Tural Əhmədov və sektor müdiri Müjdat Həsənov əcnəbi tələbələrin Azərbaycanda təhsili ilə bağlı ətraflı məlumat vermişlər. Universitetlərin nümayəndələri, həmçinin Xəzər Universitetindən prorektor Vlad Vernyqora əcnəbi tələbələrin qəbulu mövzusunda təqdimatla çıxış etmişlər.

Çıxışlardan sonra iştirakçıları maraqlandıran suallar ətrafında müzakirələr aparılmışdır.