Xəzər Universiteti Bakı “Dünya” Məktəbinin və Sumqayıt “Dünya” Məktəbinin şagirdləri Azərbaycan komandasının tərkibində 2023-cü il iyulun 9-13-də ABŞ-ın Nyu-York şəhərindəki Kolumbiya Universitetində keçirilmiş Beynəlxalq Kopernik Riyaziyyat Olimpiadasında uğurla çıxış edərək, qaliblər sırasında yer almışlar.

Mükafatlandırma tədbirində nəticələrə əsasən, Sumqayıt “Dünya” Məktəbinin X sinif şagirdi Mehrab Əlizadə Qızıl medala, Bakı “Dünya” məktəbinin şagirdləri - Alpay İsmayıl (VIII sinif İB) Gümüş medala, Cavad Hacıyev (IX sinif İB) Bürünc medala, Suat Mehdiyev (V sinif İB) və Dəniz Qurbanzadə (V sinif İB) Fəxri Fərmana layiq görülüblər. Azərbaycan Respublikasının ABŞ-dakı səfiri Xəzər İbrahim videoçıxış ilə iştirakçıları və Azərbaycan komandasını təbrik edib.

”Dünya” məktəblərinin şagirdlərinə daim uğurlar arzu edirik.