2023-cü il iyunun 22-də Böyük Britaniya və Şimali İrlandiya Birləşmiş Krallığının Azərbaycandakı səfirliyi tərəfindən Bakıdakı Hyatt Regency otelində Böyük Britaniya və Şimali İrlandiyanın kralı III Çarlz`ın təvəllüd günü – milli bayram münasibətilə tədbir keçirilmişdir. Azərbaycan hökumətinin, Milli Məclisin, diplomatik korpusun, ictimai-siyasi təşkilatların nümayəndələri və media təmsilçilərinin iştirakı ilə keçirilən tədbirdə səfir Fergus Auld Azərbaycan dilində çıxış etmiş, digər natiqlər təbrik nitqi söyləmişlər.
Tədbirdə səfirliyin dəvəti ilə Xəzər Universitetinin Siyasi elmlər və fəlsəfə departamentinin müdiri Dr. Orxan Vəliyev də iştirak etmişdir.