2023-cü il iyunun 19-23-də Türkiyənin Manisa Celal Bayar Universitetinin Mühəndislik fakültəsinin professorları Can Çivi və Tuncay Yılmaz Erasmus+ İşçi Heyətinin Mübadilə Proqramı (Erasmus+ KA107171) çərçivəsində Xəzər Universitetinin Təbiət elmləri və mühəndislik fakültəsi və Beynəlxalq əlaqələr ofisi tərəfindən qəbul edildilər.

Proqramın ilk günü Beynəlxalq əlaqələr üzrə prorektor Vlad Vernygora, Fizika və elektronika departamentinin müdiri Fəridə Tatardar, Kimya mühəndisliyi departamentinin koordinatoru Rasoul Moradi, Neft mühəndisliyi departamentinin müdiri Elşən Abdullayev, Mexanika mühəndisliyi departamentinin müdiri Mehdi Kiyasatfar, Beynəlxalq əlaqələr ofisinin koordinatorları Fatimə Vəliyeva və Arzu Bədəlovanın iştirakı ilə türkiyəli professor-müəllim heyəti ilə tanışlıq görüşü keçirildi.

Mühəndislik fakültəsinin professoru Tuncay Yılmaz Xəzər Universitetinin Mühəndislik fakültəsinin tələbələri üçün “Qida mühəndisliyi“ mövzusunda seminar keçirdi.

Proqrama uyğun olaraq Kitabxana İnformasiya Mərkəzinin (KİM) direktor müavini Aytac Misgərli qonaqları mərkəzin fəaliyyəti ilə tanış etdi. Nailəxanım Mədəniyyət Mərkəzində onlara görkəmli pedaqoq Nailəxanım İsayevanın həyat və fəaliyyətini əks etdirən eksponatlar haqqında ətraflı məlumat verildi. Sonra Rasoul Moradi, Elşən Abdullayev və Mehdi Kiyasatfar türkiyəli professorlara departamentlərdəki laboratoriyaların iş prinsiplərini izah etdilər.

Proqramın növbəti günlərində isə qonaqlar Fəridə Tatardar və Mehdi Kiyasatfar ilə departamentlərarası əməkdaşlıq istiqamətində danışıqlar apardılar.

Qonaqlar üçün “Atəşgah məbədi” Dövlət Tarix-Memarlıq Qoruğuna ekskursiya təşkil olundu.

Proqramın sonunda nümayəndə heyətinə Təbiət elmləri və Mühəndislik fakültəsinin dekanı Fəxrəndə Əfəndiyeva tərəfindən sertifikat təqdim edildi.